كلمات الشاعر/السيدعبدالحميد
سلم ياقلبى سلم
مابقولش بلاش تتألم
المك دا شئ طبيعى
وهينتهى لما تسلم
بلاش تأسى على نفسك
وبلاش تأسى على غيرك
ربك شايف ضميرهم
وبرضو شايف ضميرك
متقولش دول باعونى
ماتقولش دول خانونى
مره من الف مره
مش لازم يختارونى
وانت ياقلبى برضو
ليك حق الاختيار
انا مش بقول دلوقتى
بس أبدا خد قرار
اللى يقطع معاك
اياك توصله
ماتخليهوش يقول
إن انت مسلسله
الحكايه ياقلبى مش انك تعانى
الحكايه هى بالظبط ازاى تعانى
وازاى تخرج من المعاناه بمعانى
وازاى تختار نفسك
وبرضو متكنش انانى
تصنيفات
شعر